差不多年年都去一次泰國。今次最勁，一行12人，7個大人5個細路。訂了一間villa有6間房，交通方面就安排咗其中三日有架14座司機揸。成班人坐同一架車會開心啲，但原來一般車係連司機十位，唔係就要有另一類駕駛執照先得。最後我架車係喺曼谷搵過嚟嘅！
第一天
一落機因爲我啲細路太嘈，吸引咗入境處人員注意。有個高級嘅開咗條長者細路特別通道比我地過，落機10分鐘已經出到閘。其餘幾百人重要慢慢排！
去到villa，比我想像中新同大。
整理好行李便出發先去炳嫂度唱錢，都幾好rate銀行4.17佢就4.25。
有錢在手就梗係醫肚先啦！Royal Garden 嘅S & P可以滿足唔同人嘅需要，佢係泰菜、西餐同麵包店fusion。
食完嘢想搵啲嘢打發時間，想去按摩又怕啲細唔悶，竟然啲細路話佢哋要按腳。成排細路一齊按腳都幾壯觀。
按摩完就去Central Festival間Super Market度入定啲必需品，再去food court食埋個飯就返villa。
第二天
今日嘅目的地係綠山野生動物園，啲門票原本已經平只係200泰銖，今次我上網買再平啲。四家人租咗兩部哥爾夫球車。
動物就來來去去都係嗰啲。
今次睇到企鵝🐧表演完排隊返屋企，好得意🐧🐧🐧🐧。
午餐就在園內餐廳搞掂。
回程途中一定要買正宗芭堤雅燒雞，我今次一次過買咗四隻半。司機大叔都忍唔住要過嚟睇吓係唔係真係咁正。正當佢流晒口水想自己攞錢買嚟食嘅時候，我已經將斬好嘅半隻雞送比佢食喇。
落去炳嫂度掃手信，然後喺villa附近嘅餐廳買外賣返去食。
第三天
經網上訂好晒Cartoon Network嘅門票，今次重訂多兩個私人帳篷。
網上訂嘅餐券500泰銖面值比八折錢。
回程去埋顛倒屋。
晚餐食Central Festival嘅Sizzler，啲扒做得好好。
食完飯啲細路見到有VR Game玩，叫到鬼殺咁嘈。
司機真係唔識芭堤雅啲路去綿羊仔樂園時行錯路。好在我識泰文，咁我就變咗領航員。入到樂園先去餐廳訂枱先，個經理初頭以為我係大陸旅行團。我話比佢知我唔食團餐，要食有餐牌叫嗰啲，佢就喺另一邊安排咗張大枱比我。
鸚鵡表演同動物表演都非常精彩。重可以騎馬。
晚餐朋友介紹話飛天通菜好抵食，結果😩！唔係太多嘢都七千幾埋單。
今日Play Room、購物、BBQ海鮮任食自助餐。第一站Harbour Land商場，呢度樓高七層。差不多每層都有唔同主題嘅嘢玩。最勁係頂樓嘅Play Room，大人就可以玩激光war game。其他層數有冰雪世界、單車場...。唔洗錢就玩滑梯由一樓去地下。
玩足三個鐘到大人購物，行過一個街口就係Big C Extra應該係最大最齊嗰間。
Amporn Seafood兩小時任食自助餐439泰銖。宜家比啲團發現咗所以好多人。雖然平但食物非常新鮮，重有個活蝦池可以自己捉。
我個friend跟我去洗衣鋪攞衫見有電單車租便問吓，原來只要150泰銖一日，佢就租咗嚟玩吓。啲細路就多咗個坐電單車嘅節目。
下午就要去齊兩大超市，Tesco Lotus同Big C Super Center。
夜晚決定食多次Amporn Seafood，今次有經驗喇，五點半前到坐室外，主攻蝦蟹。
食完飯又去按摩，去咗一間韓國人開嘅店，G Dragon都幫襯過。
玩足咁多日要走喇。咁多日嘅VILLA電費水費都只係3300泰銖。